Que é a autoestima?

As raíces representan os nosos valores e calidades. Deben estar ben arraigadas e suxeitas ao chan. Se unha árbore enraiza firmemente nun chan fértil, crecerá san, forte e dará froito. Se as raíces son débiles, non poderá desenvolverse e mostrar todo o seu potencial. Neste apartado debemos escribir todas as calidades que teñamos, tamén as físicas. Son xeneroso? Leal? Creativo tal vez? Teño uns ollos bonitos? Sorrío e son alegre?

As ramas, se crecen sas, son as que nos permitirán conseguir os froitos. Aquí debemos apuntar todas as cousas que se nos dan ben ou nas que pensamos que podemos destacar. Dáseme ben cantar, escoitar aos demais, xogo ben ao fútbol, teño boa oratoria, dánseme ben as matemáticas, teño moita imaxinación, son boa escribindo, fago uns debuxos xeniais etc.

Por último, pero non menos importante, atopamos os froitos, eses que tanto nos custou conseguir, que teñen a súa base nas raíces e requiren das ramas para poder darse. Non teñen por que ser grandes xestas, abonda con que sexan cousas importantes para nós. Aprobei esta materia tan difícil para min, superei o medo ás alturas, aprendín a montar en bicicleta sen ruedines, saquei adiante un proxecto complicado, fun capaz de dicirlle a esta persoa o que pensaba, terminei a primaria con boas notas, conseguín entrar no equipo,